И бысть знамение въ солнци месяца июня въ 7 (Новгородская I летопись младшего извода ПСРЛ. Т.3. С.405).

Того же лета погыбе с(о)лнце июн(я) 7 в пятницю было и скры луча своя зелене от лица земнаго (Московско-Академическая летопись ПСРЛ. Т.1. Стб.540).

Того же лета, месяца июня въ 7 день, бысть знамение въ солнце, мракъ зеленъ, таже помале бысть мракъ аки кровь, и другъ друга человеку не видети, аки въ крови стояху вси (Никоновская летопись ПСРЛ. Т.11. С.226).

Того же лета, месяца июня въ 7 день, на память святого отца Федота, въ 7 часъ дни, погыбе солнце все, и бысть тма, человека въ лице не видети было (Тверская летопись РЛ. Т.6. С.465).

Того же лета, месяца июня в 7 день, на память святого мученика Федота, изгибе солнце и скры луча своя от земли в 4 час дни, в год божественныя литургия, и звезды явишася яко в нощи. Тогда было князю великому Василью Дмитреевичу 26 лет на великом княжении (Никифоровская летопись ПСРЛ. Т.35. С.33).

В то же лето иуня 7 тма бысть в пяток перед обеднею, бысть же се не много, час единъ, видети было и звезды все, яко же и в нощи (Московский летописный свод конца XV в. РЛ. Т.8. С.329).

В лет(о) 923 м(еся)ца июния въ 7 быс(ть) помрачение с(о)лнцю въ 6 ча(с) дне створися нощь, и явишася звезды и быс(ть) страх великъ на всех родех ч(е)л(ове)ч(ес)кихъ в д(е)нь с(вя)т(о)го пятка (РГБ ОР. Ф.304. I. Ед. хр. 765. Л.319об.).

Того ж(е) лета июня 7 въ час 4 дни тма быс(ть) по всеи земли, и с(о)лнце померьче, яко ж(е) в распятии Х(ристо)ве, и звезды явишася, и заря явис(я) утренняя и вечерняя, и паки по единем ч(а)се Г(оспод)ь Б(ог)ъ дасть просвещение всему миру (Софийская вторая летопись ПСРЛ. Т.6. Вып.2. Стб.41).